डडेल्धुरा । डडेल्धुरामा पहिलोपटक गोलभेंडा र काँक्राको बिउ उत्पादन सुरु गरिएको छ । जिल्लामा बिउ उत्पादन केन्द्र स्थापना भएको करिब ३६ वर्षपछि बिउ उत्पादन सुरु गरिएको हो ।

सुदूरपश्चिममै पहिलोपटक डडेल्धुराको बिउ उत्पादन केन्द्रमार्फत हाइब्रिड जातको गोलभेंडा र काँक्राको बिउ उत्पादन थालिएको जनाएको छ ।

पहिलोपटक सुदूरपश्चिम प्रदेशमा गोलभेंडा र काँक्राको हाइब्रिड बिउ उत्पादनको सुरुवात गरिएको सुदूरपश्चिम प्रदेश सरकार भूमि व्यवस्था कृषि तथा सहकारी मन्त्रालयका सचिव यज्ञराज जोशीले बताए ।

सिर्जना जातको गोलभेंडाको पोथी बिरुवा रोपेर हाइब्रिड बिउ उत्पादनको सुरुवात भएको उनले बताए ।