धनगढी । सुदूरपश्चिमको व्यापारीक केन्द्र धनगढीमा सुविधासम्पन्न होटेल सञ्चालनमा आउने भएको छ । युवा व्यवसायी सुरेन्द्र पन्तले धनगढी उपमहानगरपालिका–२ स्थित भन्सार रोडमा ‘होटेल देव इन’ सञ्चालनमा ल्याउने भएका हुन् । 

होटेलको निर्माण सम्पन्न भइसकेको छ भने वैशाख १ गतेदेखि सञ्चालनमा ल्याउने तयारी रहेको पन्तले जानकारी दिए । 

होटेलमा सुविधासम्पन्न १९ कोठाहरू छन् । होटेलमा चार वटा भीआइपी लग्जरियस रुम र बाँकी १५ वटा डिलक्स रुम छन् । होटेलको बाहिरी बनोट र सुविधासम्पन्न रुमहरूले बाह्य पर्यटकलाई पनि आकर्षित गर्ने संचालक पन्तको विश्वास छ । 

होटेलमा हल, डाइनिङ रेष्टुरेन्ट र बार रहेका छ्न् । होटेलमा लिफ्टको सुविधा छ । यस्तै, अन्डरग्राण्ड र बाह्य पार्किङको व्यवस्था पनि रहेको सञ्चालक पन्तले जानकारी दिए ।