प्रतिनिधिसभाको बैठक तीन घण्टा पछि सरेको छ ।
बिहीबार बिहान ११ बजेका लागि बोलाइएको बैठक सूचना टाँस गरेर दिउँसो २ बजेको लागि सारिएको हो ।
नेपाल विद्युत् प्राधिकरणको कार्यकारी निर्देशकबाट कुलमान घिसिङलाई हटाएको विषयमा प्रधानमन्त्री केपी शर्मा ओलीले संसदमा जवाफ दिनुपर्ने माग माओवादी केन्द्रसहितका विपक्षी दलहरूले गर्दै आएका छन् । सभामुख देवराज घिमिरेसँगको छलफलमा विपक्षी दलहरूले प्रधानमन्त्रीले जवाफ दिनुपर्ने अडान कायमै राखेपछि प्रतिनिधिसभा बैठक दिउँसो २ बजेका लागि सारिएको हो ।
यसअघि माओवादी केन्द्रसहितका विपक्षी दलहरूले घिसिङलाई हटाएको विषयमा प्रधानमन्त्री ओलीले जवाफ दिनुपर्ने माग गर्दै बुधबार बसेको प्रतिनिधिसभा बैठकमा अवरोध गरेका थिए । विपक्षी दलहरूको अवरोधपछि बुधबार प्रतिनिधसभाको बैठक स्थगित भएको थियो ।
संसदमा देखिएको गतिरोध अन्त्यको प्रयास स्वरुप सभामुख घिमिरेले प्रमुख राजनीतिक दलका प्रमुख सचेतकहरूसँग छलफल गरेका थिए ।
प्रतिक्रिया