कैलाली । कैलालीको घोडाघोडी नगरपालिका–९ को सिमली जङ्गलमा बस्दै आएका विदेशी नागरिकले उक्त ठाउँ छोडेका छन् । जिल्ला प्रशासन कार्यालय कैलालीले फागुन ८ गते २४ घण्टाभित्र ठाउँ छोड्न निर्देशन दिएमा उनीहरुले शुक्रबार उक्त ठाउँ खाली गरेका हुन् । 

भारत, अमेरिका, चीन, जापानलगायत १८ देशका एक सय ५० विदेशी नागरिक उक्त जङ्गलमा २८ दिनसम्म बसेका थिए । उनीहरू शुव्रmबार आफ्नो गन्तव्यतिर लागेको घोडाघोडी नगरपालिकाका नगरप्रमुख खड्कबहादुर रावतले बताए । उनले सिमली जङ्गलमा लामो समय विदेशीहरू बसे पनि कुनै असर पर्ने गतिविधि नगरेको बताए । 

उनीहरूलाई बिदाइ गर्न नगरप्रमुख रावत वडा नम्बर ९ का वडाध्यक्ष हरिशचन्द्र शाह, पर्यटन व्यवसायीलगायत सिमली पुगेका थिए । उनीहरु रेन्बो ग्यादरिङका लागि उक्त जंगलमा बसेका थिए ।