धनगढी । नेपाल वित्तीय संस्था कर्मचारी संघ राष्ट्रिय वाणिज्य बैंक सुदूरपश्चिम समितिले आयोजना गरेको अन्तर बैंक ब्याडमिन्टन प्रतियोगिताको उपाधि सरकारी बैंकले जितेको छ ।

शनिबार धनगढीमा भएको प्रतियोगितामा कृषि विकास बैक विजेता बन्यो भने राष्ट्रिय वाणिज्य बैंक उउविजेतामा चित्त बुझायो । त्यसैगरी एनएमवि बैंक र नवजीवन सहकारी संस्था तृतीय भए । प्रतियोगितामा विभिन्न बैंक तथा वित्तीय संस्थाबाट १६ टिमको सहभागीता रहेको थियो ।

प्रतियोगितामा प्रथम, द्धितीय र तृतीय टिमले क्रमश १० हजार, छ हजार र दुई हजार पाच सय नगद पुरस्कारसहित ट्रफि, मेडल र प्रमाणपत्र पाए । ब्याडमिन्ट प्रतियोगिताको प्रथम पुरस्कार उग्रतारा ट्रेड एण्ड बिजुली भण्डार अत्तरिया र द्धितीय पुरस्कार जयमष्टा टे«ड एण्ड सप्लायर्स धनगढीले प्रायोजना गरेको थियो । 

नेपाल वित्तीय संस्था कर्मचारी संघ राष्ट्रिय वाणिज्यको ३५औं वार्षिकोत्सवको अवसरमा उक्त प्रतियोगिता आयोजना गरिएको हो । समितिले हरेक वर्ष बैंक तथा वित्तीय संस्थामा कार्यरत कर्मचारीमा आपसी सद्भाव तथा हार्दिकता विकास गर्ने उदेश्यले खेलकुद प्रतियोगिता गर्दै आएको छ । 
यस वर्ष पनि ब्याडिमन्टन तथा फुटसल प्रतियोगिता आयोजना गरिएको छ । ब्याडिमन्टन प्रतियोगिता सम्पन्न भए पनि फुटसल प्रतियोगिता भने आगामी चैत २३ गते हुने नेपाल वित्तीय संस्था कर्मचारी संघ राष्ट्रिय वाणिज्य सुदूरपश्चिम समितिका अध्यक्ष दीपेन्द्रबहादुर भण्डारीले बताए ।

प्रतियोगिताको उद्घाटन राष्ट्रिय वाणिज्य बैक सुदूरपश्चिम प्रदेश कार्यालयका प्रादेशिक प्रमुख राजेन्द्र आचार्यले गरेका थिए । उनले खेलकुदले कर्मचारीमा असल सम्बन्ध विकास भई जीवनमा सकारात्मक परिवर्तन ल्याउन सहयोग पुग्ने बताए ।

अन्तरबैक फुटसल तथा ब्याडन्टिन प्रतियोगिताअन्र्तगत फुटसल प्रतियोगितामा प्रथम हुने टिमले २१ हजार, द्धितीय हुने टिमले १५ हजार नगद पुरस्कारसहित ट्रफि, मेडल र प्रमाणपत्र पाउनेछन् ।
प्रतियोगितामा  टाइटल स्पोन्सर राष्ट्रिय वाणिज्य बैक, मुख्य प्रायोजक मालिकार्जुन हार्डवयर प्रालि, शैक्षिक पार्टनर चैतन्य पाठशाला, सहप्रायोजकमा नेपाल कापी उद्योग उत्तरिया, तौसी टे«डर्स धनगढी रहेका छन् ।