राजसंस्थापक्षधरले घोषणा गरेको संयुक्त जनआन्दोलन समितिको नेतृत्व अब जगमान गुरुङले गर्ने भएका छन् । आफू नजरबन्दमा परेपछि नवराज सुवेदीले गुरुङलाई नेतृत्वको जिम्मेवारी दिएका हुन् ।

आइतबार प्रेस विज्ञप्ति जारी गर्दै उनले भनेका छन्, ‘सरकारले मलाई नजरबन्दमा राखेको हुनाले मेरो अनुपस्थितिमा संयुक्त जनआन्दोलनको नेतृत्व नेपाल ऋषि जगमान गुरुङले नेतृत्व गर्नुहुनेछ ।’ 

शुक्रबारको राजावादीको प्रदर्शन हिंसात्मक बनेपछि सुवेदीलाई नजरबन्दमा राखिएको छ । शुक्रबार राजावादी प्रदर्शनकारीले निजी र सरकारी सम्पत्तिमा व्यापक तोडफोड, लुटपाट र आगजनीसमेत गरेका थिए । प्रदर्शनका क्रममा एक पत्रकारसहित दुई जनाको मृत्यु भएको छ ।