धनगढी । नेपाल पत्रकार महासंघ कैलालीले नेपाल सरकारलाई ज्ञापन पत्र बुझाएको छ । आज कैलालीका प्रमुख जिल्ला अधिकारी गोगनबहादुर हामाल मार्फत सो ज्ञापनपत्र बुझाएको हो ।

१५ गते काठमाडौंमा राजाबादी आन्दोलनको हिंसात्मक आन्दोलनमा संचारगृह तोडफोड, पत्रकार सुरेश रजकको आगोमा जलेर मृत्यु भएको र पत्रकारमाथि हातपात र कुटपिट गरिएकोले सरकारको ध्यानार्कषण गराउन ज्ञापन पत्र बुझाएको नेपाल पत्रकार महासंघ कैलाली शाखाका अध्यक्ष श्रवण देउबाले जानकारी दिए ।

प्रमुख जिल्ला अधिकारी हमालले ज्ञापनपत्र बुझ्दै आफूले आजै सो ज्ञापनपत्र सरकार पठाइदिने बताए ।