धनगढी । नेकपा (एकीकृत समाजवादी)को सुदूरपश्चिम प्रदेश अध्यक्षमा लालबहादुर खड्का चयन भएका छन् । पार्टीको प्रथम सुदूरपश्चिम प्रदेश अधिवेशनले खड्काको नेतृत्वमा सर्वसम्मत रूपमा प्रदेश कमिटी चयन गरेको हो । 

यस्तै, धनबहादुर बोहरा र शिवबहादुर कुँवरलाई उपाध्यक्षमा चयन गरिएको छ। यस्तै सचिवमा सुरेन्द्रमान कार्की चयन भएका छन् भने उपसचिवमा गणेश साउद, राधिका अवस्थी र गोरख सार्की चयन भएका छन् ।