धनगढी । प्रशासन सेवा, लेखा समूहको दरबन्दी पुनरावलोकन गर्न गठित संगठन तथा व्यवस्थापन सर्वेक्षण अध्ययन कार्यदलले सुदूरपश्चिम प्रदेशका मुख्यमन्त्री कमलबहादुर शाहलाई प्रतिवेदन बुझाएको छ । 

सुदूरपश्चिम प्रदेश सरकार मन्त्रिपरिषदको निर्णयअनुसार प्रदेश निजामती सेवा नियमावली २०८१ को नियम २४(१०) अनुसार प्रशासन सेवा, लेखा समूहको संगठन तथा व्यवस्थापन सर्वेक्षण अध्ययन कार्यदल गठन गरिएको थियो । 

प्रतिवेदन तयारीका लागि कार्यदललाई  १५ दिनको अवधि दिएको थियो । दिइएको समावधि अपर्याप्त भएपछि सात दिन थप गरी सुझाबसहितको प्रतिबेदन बुधबार मुख्यमन्त्री शाहलाई बुझाएको हो । 

प्रतिवेदनमा प्रदेश निजामती सेवा नियमावली, संघीय सरकारको कार्यविधि समेतको आधारमा कार्यप्रकृति, कार्यबोझ, आवश्यकता, औचित्य, सान्दर्भिकतासमेत हेरी वर्तमान संगठन संरचनाको अध्ययन गर्दै प्रस्तावित संरचना प्रस्ताब गरिएको हो । 

प्रदेशका अर्थ सचिव झलकराम अधिकारीको संयोजकत्वमा छ सदस्यीय कार्यदल गठन गरिएको थियो ।