डोटी । सुदूरपश्चिम विश्वविद्यालयअन्तर्गत डोटीको सीताराम बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचनमा नेपाल विद्यार्थी संघ नेविसंघको प्यानलै निर्विरोध निर्वाचित भएको छ ।

स्ववियु सभापतिमा नेविसंघका उमेश बलायर, उपसभापतिमा मनिषा कुमारी भट्ट, सचिवमा ललितबहादुर साउद, सहसचिवमा लक्ष्मीकुमारी विक, कोषाध्यक्षमा कविताकुमारी बलायर निर्विरोध निर्वाचित भएको निर्वाचन संयोजक चेतराज भट्टले जानकारी दिए ।

यस्तै सदस्यहरूमा टिकेश्वरी जैशी, माया बलायर प्रत्यक्षतर्फ निर्वाचित भएका छन् भने समानुपातिकमा यसोदाकुमारी भट्ट,सारदा खड्का र लालमनि भट्ट पनि निर्विरोध निर्वाचित भएका छन ।

२७ गते हुने भनिएको निर्वाचनका लागि उम्मेदवारी दिएका क्रान्तिकारीका सबै उम्मेदवारले उम्मेदवारीले फिर्ता लिएका हुन् ।