धनगढी । माओवादी केन्द्रका अध्यक्ष पुष्पकमल दाहाल प्रचण्डले नयाँ सरकारका लागि कांग्रेससँग छलफल गर्ने बताएका छन् ।
माओवादी केन्द्रको संसदीय दलको बैठकमा प्रचण्डले कांग्रेस सभापति शेरबहादुर देउवा फर्केपछि छलफल गर्ने बताएका हुन् ।
प्रधानमन्त्री केपी शर्मा ओली नेतृत्वको सरकारले राजनीतिक वैधता गुमाउँदै गएकोले नयाँ सरकार बनाउनुपर्ने परिस्थिति आएको दाहालले दाबी गरेका छन् ।
संसदीय दलको बैठकमा सांसदहरूलाई प्रचण्डले नयाँ सरकारको गृहकार्य भइरहेको संकेत गरेका भएपनि थप विस्तृतमा भने नबताएको सांसदहरूले जानकारी दिएका छन् ।
प्रतिक्रिया