धनगढी । कैलालीमा दुर्घटनामा परि एकजनाको मृत्यु भएको छ । लम्कीचुहा नगरपालिका– १ पूर्वपश्चिम राजमार्गअन्तर्गत लम्की बहुमुखी क्याम्पस नजिक गए राती मोटरसाइकल रोकिराखेको ट्याक्टरमा ठोक्किएर दुर्घटना भएको थियो । 

बल्चौरबाट लम्की  फर्किँदै गरेका सोही ठेगाना भएका लक्ष्मीप्रसाद रिमालको निधन भएको इलाका प्रहरी कार्यालय लम्कीले जनाएको छ । से ७ प ३२२३ नम्बरको मोटरसाइकलमा सवार रहेका रिमाल रोकिराखेको से १ त ९६२३ नम्बरको ट्याक्टरमा ठोक्किएर गम्भीर घाइते भएपछि स्थानीय अस्पताल लगिएको थियो ।

राति नै रिमालको लालरत्न अस्पतालमा मृत्यु भएको प्रहरीले जनाएको छ । रिमाल कैलाशधाम तीर्थस्थल लम्कीका संस्थापक अध्यक्ष रहेको जनाइएको छ ।