धनगढी । कञ्चनपुरमा ८ वटा ट्याक्टरसहित ८ जना पक्राउ परेका छन् । अवैध रुपमा नदीजन्य पदार्थ उत्खनन् गरेको भन्दै उनीहरुलाई पक्राउ गरिएको हो । 

ट्याक्टर चालक मानबहाखुर डगौरा, प्रेम थापा, सुरेश नेपाली, सुकखेव राना, रोशन चौधरी, शिवलाल राना, विष्णु पन्त र दिपेश डगौरालाई पक्राउ गरिएको जिल्ला प्रहरी कार्यालय कञ्चनपुरका प्रहरी नायब उपरीक्षक उमेश जोशीले जानकारी दिए । 

‘प्रहरी चौकी सुडाबाट खटिएको प्रहरी टोलीले बेदकोट नगरपालिका– ५ र ६ को सीमाना घुर्सुवा घाटबाट अवैध रुपमा ढुङगा उत्खनन गरेका ८ वटा ट्याक्टर र चालकलाई नियन्त्रणमा लिइएको हो,’ डीएसपी जोशीले भने, ‘आवश्यक कारबाहीको लागि बेदकोट नगरपालिकाको कार्यालयमा बुझाइएको छ ।’