कञ्चनपुर । कञ्चनपुरमा हायस दुर्घटना हुँदा ८ जना घाइते भएका छन् । जिल्लाको कृष्णपुर नगरपालिकास्थित गुलरियामा हायस दुर्घटना भएको हो ।

मंगलबार साँझ महेन्द्रनगरबाट कैलालीको अत्तरियातर्फ आउँदै गरेको सुदूरपश्चिम प्रदेश ०२-००१ ख १४२५ नम्बरको हायस दुर्घटना हुँदा चालकसहित ८ जना घाइते भएका हुन् ।

घाइतेमध्ये ४ जनाको निसर्ग अस्पताल धनगढी र ४ जनाको निमेष अस्पताल गुलरियामा उपचार भइरहेको प्रहरीले जनाएको छ। अनियन्त्रित भएर हायस दुर्घटना भएको इलाका प्रहरी कार्यालय गुलरियाले जनाएको छ ।