धनगढी । कैलालीमा लागूऔषधसहित दुई जना पक्राउ परेका छन् । जिल्लाको टीकापुर नगरपालिका–९ खक्रौलाको मुख्य सडक खण्डबाट टीकापुर नगरपालिका–१ दुर्गानगर बस्ने २१ वर्षीय सागर चौधरी पक्राउ परेका छन् ।
चौधरीलाई २ ग्राम १५० मिलिग्राम खैरो हेरोइनसहित इलाका प्रहरी कार्यालय टीकापुर र प्रहरी चौकी कालाकुण्डाबाट संयुक्त रुपमा खटिएको प्रहरी टोलीले नियन्त्रणमा लिएको हो ।
यसैगरी भजनी नगरपालिका–३ कुसुमघाटमा भारतबाट नेपालतर्फ पैदल आउँदै गरेको अवस्थामा जानकी गाउँपालिका–६ जगतपुर बस्ने २३ वर्षीय दिनेशकुमार साउँद पक्राउ परेका छन् । साउदलाई ४१० मिलीग्राम खैरो हेरोइनसहित पक्राउ गरिएको हो ।
प्रतिक्रिया