धनगढी । नेकपा एमाले बाजुराले ११औं महाधिवेशनका लागि सर्वसम्मत प्रतिनिधि छनोट गरेको छ । खुला, महिला, दलित र युवा क्लस्टरमा १६ जना प्रतिनिधि छनोट गरिएको हो । 

खुलातर्फ लालबहादुर ओली, जनककुमार बोहरा, बलदेव रेग्मी, गगन रावल, भरत थापा, मनलाल विष्ट र मेघराज शाही छनोट भएका छन् । महिलातर्फ सीता थापा, देवु खाती, पार्वती थापा विष्ट र बसन्ती गुरुङ छानिएका छन् । 

दलिततर्फ काशी बिक, गौरी सार्की, अमर बिक र राजकला सार्की छानिएका छन् । ४० वर्ष मुनिको युवा क्लस्टरमा नरेश रोकाया सर्वसम्मत छनोट भएका छन् । 

छनोट भएका प्रतिनिधिमध्ये भरत थापा, मेघराज शाही र बलदेव रेग्मी एमालेका वरिष्ठ उपाध्यक्ष ईश्वर पोखरेल पक्षधर मानिन्छन् । अन्य प्रतिनिधि अध्यक्ष केपी शर्मा ओली पक्षका हुन् ।