धनगढी । नेपाल कम्युनिस्ट पार्टी (एमाले) को ११औँ राष्ट्रिय महाधिवेशनका लागि डडेल्धुराबाट प्रतिनिधि छनोट गरिएको छ । सर्वसम्मतले पाँच जना प्रतिनिधि छनोट गरिएको हो ।

निर्वाचन समितिका अनुसार खुलाबाट गजेन्द्रबहादुर शाही र गजेन्द्र शाही, दलितबाट चक्रप्रसाद स्नेही, युवाबाट ज्ञानेन्द्रसिंह भाट र महिलाबाट कृष्णा ओझालाई प्रतिनिधि छनोट गरिएको हो ।

पाँच जनामध्ये एमाले अध्यक्ष केपी शर्मा ओलीको पक्षमा स्पष्ट रुपमा खुलेका स्नेही मात्र हुन् । तर, यसपटकको महाधिवेशन सबैले ओलीलाई नै सहयोग गर्ने बताएका छन् । `विगतमा डडेल्धुरा एमालेभित्र गुट, उपगुटको प्रभाव थियो,´ एमाले डडेल्धुराका एक नेताले भने, `डा. तारा जोशीले पार्टी छोडेपछि अहिले सबै ओली पक्षमै छु भन्छन् ।´