धनगढी । डेउडा प्रतिष्ठान केन्द्रीय समितिका पूर्वअध्यक्ष दलबहादुर बोगटीको ७४औं जन्मजयन्ती मनाइएको छ ।

डेउडा प्रतिष्ठानका कार्यवाहक अध्यक्ष सुरत रावत (डोटेली कान्छा)का अनुसार बोगटीको सम्झनामा प्रतिष्ठानको केन्द्रीय कार्यालय धनगढीमा दिप प्रज्वलन गर्दै जन्मजयन्ती मनाइएको हो ।

डेउडा दोहोरीमा अब्बल बोगटी डेउडीयाका नामले चर्चित थिए । २००८  साल पुस १४ गते जन्मेका बोगटीको २०८१ असोज ३ गते निधन भएको थियो ।

धनगढीको मटियारीस्थित केदारेश्वर धाममा कपल्लेकी जाँतमा डेउडिया भएर भदौ ३१ गते बेलुका डेउडा खेल्न गएका बोगटी साइकल चढेर राति घर फर्कने बेलामा हाइसले ठक्कर दिँदा गम्भीर घाइते भएका थिए । उपचारका क्रममा उनको ३ असोजमा मृत्यु भएको थियो ।