काठमाडौँ । तनहुँ प्रहरीले श्रीमती हत्याको आरोपमा श्रीमानलाई पक्राउ गरेको छ । शुक्लागण्डकी नगरपालिका–१ काठेपिपलका ५२ वर्षीय दिलबहादुर सुनार पक्राउ परेका हुन् । 

उनले ३८ वर्षीया श्रीमती पार्वती सुनारको हत्या गरेको प्रहरीको केन्द्रीय समाचार कक्षले जनाएको छ । घरायसी विषयमा विवाद हुँदा दिलबहादुरले बिहीबार राति अचानो प्रहार गर्दा पार्वतीको ज्यान गएको प्रहरीले जनाएको छ ।