धनगढी । कैलाली र कञ्चनपुरमा खैरो हेरोइनसहित ८ जना युवायुवती पक्राउ परेका छन् । आइतबार धनगढी उपमहानगरपालिका-२ भन्सार ब्यारेल नजिकबाट भारतबाट नेपाल आउँदै गरेको अवस्थामा धनगढी-४ उत्तरबेहडी बस्ने २४ वर्षका अनिल लामा तामाङसहित दुई जना पक्राउ परेका हुन् । 

उनीहरुलाई १२ ग्राम ३६० मिलिग्राम लागुऔषध खैरो हेरोइन जस्तो देखिने धुलो पदार्थ र सुपप्र ०२००३ प ६११५ नम्बरको मोटरसाइकलसहित जिल्ला प्रहरी कार्यालय कैलालीबाट खटिएको टोलीले नियन्त्रणमा लिएको बताएको छ । 

यसैगरी, धनगढी-१२ जुगेडाबाट वडा नम्बर १ शिवनगर बस्ने २२ वर्षकी अस्मिता चौधरी र वडा नम्बर ९ बस्ने २२ वर्षकी रमिता चौधरीलाई १ ग्राम ६०० मिलिग्राम लागुऔषध खैरो हेरोइन जस्तो देखिने धुलो पदार्थसहित प्रहरीले नियन्त्रणमा लिएको छ ।

हिजो नै राति ८ बजेको समयमा धनगढी-१३ राजपुरबाट डडेल्धुराको अमरगढी नगरपालिका-५ घर भई हाल धनगढीमा कोठा गरी बस्ने २४ वर्षका मिनबहादुर विष्टलाई २ ग्राम ४० मिलिग्राम, धनगढी-१ अस्पताल रोडमा कोठा गरी बस्ने डडेल्धुराको अजयमेरु गाउँपालिका-५ घर भएका २० वर्षका निरन्जन पन्तलाई अस्पताल रोडबाटै १०० मिलिग्राम, कञ्चनपुरको भीमदत्त नगरपालिका-४ महेन्द्रनगर बजारबाट भीमदत्त-७ बस्ने २८ वर्षका सागर जोशीलाई १३० मिलिग्राम र भीमदत्त-६ बस्ने २७ वर्षका निरजबहादुर चन्दलाई ३ ग्राम ११० मिलिग्राम लागुऔषध खैरो हेरोइन जस्तो देखिने धुलो पदार्थ प्रहरीले नियन्त्रणमा लिएको जनाएको छ ।

पक्राउ परेका सातै जनामाथि थप अनुसन्धान भइरहेको प्रदेश प्रहरी कार्यालय धनगढीले बताएको छ ।