राजविराज । सप्तरीको विष्णुपुर गाउँपालिकामा एक किशोरीमाथि बलात्कार भएको छ । बुधबार बिहान साइकलमा क्याम्पसतर्फ गइरहेकी १५ वर्षीया किशोरीमाथि विष्णुपुर७ स्थित कोशी पश्चिमी नहरको दक्षिणी डिलछेउमा बलात्कार भएको प्रहरीले बताएको छ । 

प्रतिकार गर्ने क्रममा किशोरीको बाँया हात भाँचिएको र शरीरका विभिन्न भागमा नीलडाम रहेको सप्तरी प्रहरीका डीएसपी जितेन्द्रकुमार बस्नेतले जानकारी दिए । पीडितको जाहेरीका आधारमा अकलेशकुमार मण्डललाई नियन्त्रणमा लिएर जिल्ला अदालतबाट म्याद थप गरी अनुसन्धान थालिएको उनले बताए ।