धनगढी । डोटीमा मोटरसाइकल दुर्घटना हुँदा दुई जना घाइते भएका छन् । बिहीबार २:५५ बजेको समयमा जोरायल गाउँपालिका-१ घोरडीस्थित भीमदत्त राजमार्गमा डडेल्धुराबाट धनगढीतर्फ आउँदै गरेको अमरगढी नगरपालिका-२ बस्ने २२ वर्षका अंकित शाहले चलाएको से ६ प ९४३९ नम्बरको मोटरसाइकल दुर्घटना भएको हो । 

दुर्घटनामा चालकसहित मोटरसाइकल पछाडि सवार अमरगढी-२ कै १९ वर्षका डार्विन रावल घाइते भएका प्रहरीले बताएको छ । विपरित दिशाबाट आउँदै गरेको बसलाई साइड दिने क्रममा मोटरसाइकल अनियन्त्रित भई सडकबाट अन्दाजी १० मिटर तल खसेको जिल्ला प्रहरी कार्यालय डोटीले बताएको छ । 

घाइते दुवैको अवस्था सामान्य रहेको र उपचारको लागि स्थानीय स्वास्थ्य चौकी गैरामा पठाएको डोटी प्रहरीले जानकारी दिएको छ ।