धनगढी । अछाममा नेकपा एमालेको एउटा वडा कमिटी नै मातृभूमि जागरण अभियानमा समाहित भएको छ ।

जिल्लाको साँफेबगर नगरपालिका–८ को वडा सिंगो वडा कमिटी उक्त अभियानमा समाहित भएको हो । एमालेको उक्त वडा कमिटीलाई नै मातृभूमि जागरण अभियानको वडा समितिमा रुपान्तरण गरिएको बताइएको छ ।

एमाले वडा कमिटी अध्यक्ष शम्भुबहादुर कुँवरको अध्यक्षतामा बसेको बैठकले उक्त निर्णय गरेको हो । ‘एमाले वडा कमिटीका सम्पूर्ण पदाधिकारी मातृभूमि जागरण अभियानमा समाहित भएको घोषणा गर्दै सोही कमिटी उक्त अभियानको तदर्थ समितिमा रुपान्तरण गर्ने निर्णय गरिएको छ,’ निर्णयमा भनिएको छ ।