धनगढी । डोटीको शिखर नगरपालिका-६ मटेलाका यज्ञ लुहारको घरको दिवाल भत्किँदा ३५ हजारको क्षति भएको छ । सोमबार बिहान ९:२५ बजेको समयमा लुहारको एकतले दुईकोठे ढुङ्गामाटोले बनेको छत ढलान गरेको घरको बिचको दिवाल भत्किएको प्रहरीले बताएको छ ।  

दिवाल भत्किँदा गोठमा बाँधेका ८ बाख्रामध्ये २ वटा पाठी च्यापिएर मरेका र अन्दाजी ३५ हजार रुपैयाँको क्षति भएको जिल्ला प्रहरी कार्यालय डोटीले बताएको छ । घटनामा मानवीय क्षति भएको छैन । प्रहरी टोली घटनास्थलमा खटिएर आवश्यक अनुसन्धान गरिरहेको डोटी प्रहरीले जनाएको छ ।