कैलाली । सुदूरपश्चिम अटोमोबाइल्स एसोसिएसनको अध्यक्षमा पुष्करराज ओझा निर्वाचित भएका छन् । उनी निर्विरोध निर्वाचित भएका हुन् । 

धनगढीमा सम्पन्न साधारण सभाले ओझाको नेतृत्वमा संघको नयाँ कार्यसमिति निर्विरोध निर्वाचित गरेको छ । कार्यसमितिको उपाध्यक्षमा श्याम जोशी, सचिवमा प्रजापति जोशी र कोषाध्यक्षमा स्मारिका बम निर्वाचित भएका छन् । 

सदस्यमा सुमन सैंजू, एलिस भण्डारी र दीपेन्द्र राना चयन भएका छन् । विनोद बलायरलाई समितिको सदस्यमा मनोनित गरिएको छ । सुदूरपश्चिम अटोमोबाइल्स एसोसिएसन सुदूरपश्चिम प्रदेश खेलकुद परिषदमा आवद्ध छ ।