धनगढी । कैलालीमा मोटरसाइकल दुर्घटनामा परेर एक किशोर घाइते भएका छन् । जिल्लाको कैलारी गाउँपालिका-६ बस्ने १६ वर्षीय अमन चौधरी आफैले चलाएको सुपप्र ०१००१ प ५२६९ नम्बरको मोटरसाइकल दुर्घटना हुँदा घाइते भएका हुन् ।

मंगलबार राति ११:३० बजेको समयमा सडकमा कुकुरलाई बचाउन खोज्दा मोटरसाइकल अनियन्त्रित भई दुर्घटना भएको प्रहरीले बताएको छ । घाइते अमनको निसर्ग अस्पताल धनगढीमा उपचार भइरहेको र अवस्था मध्यम रहेको जिल्ला प्रहरी कार्यालय कैलालीले बताएको छ ।