धनगढी । कैलाली र अछाममा लागुऔषधसहित चार युवक पक्राउ परेका छन् । बुधबार बेलुका धनगढी उपमहानगरपालिका-७ मनेहराबाट जिल्ला प्रहरी कार्यालय कैलालीको टोलीले सोही ठाँउ बस्ने २९ वर्षका सचिन सिंहलाइ १७ ट्याब्लेट नाइट्राभेट लागुऔषधसहित नियन्त्रणमा लिएको हो ।  

हिजो नै राति ७ ३० बजेको समयमा टीकापुर नगरपालिका-९ खक्रौलामा प्रहरी चौकी कालाकुण्डा कैलालीबाट खटिएको टोलीले लम्कीचुहा नगरपालिका-१ बस्ने २१ वर्षका समिर चौधरी र २१ वर्षकै आकाश तिमिल्सिनालाई ४४० मिलिग्राम खैरो हेरोइन जस्तो देखिने धुलो पदार्थसहित नियन्त्रणमा लिएको बताएको छ । 

त्यस्तै, अछामको मंगलसेन नगरपालिका-३ बसपार्कबाट प्रहरी चौकी मंगलसेनको टोलीले कैलालीको जानकी गाउँपालिका-१ बस्ने २२ वर्षका रोहित विकलाई खैरो हेरोइन जस्तो देखिने धुलो पदार्थ २८० मिलिग्रामसहित नियन्त्रणमा लिएको जनाएको छ । 

पक्राउ परेका चारै जनामाथि प्रहरीले थप अनुसन्धान भइरहेको जानकारी दिएको छ ।