धनगढी । अछाममा मोटरसाइकलको ठक्करबाट एक वृद्धाको मृत्यु भएको छ । बिहीबार बिहान ११:५० बजेको समयमा कमलबजार-तुर्माखाँद सडकखण्डको मोटरकाटियामा सुपप्र ०१००८ प ४०३ नम्बरको मोटरसाइकलले ठक्कर दिँदा पैदलयात्री ७२ वर्षीया मैसिरा ढकालको मृत्यु भएको प्रहरीले बताएको छ । 

कमलबजार नगरपालिका-१ की ढकालको घटनास्थलमै मृत्यु भएको अछाम प्रहरीले जानकारी दिएको छ । मोटरसाइकल चालक तुर्माखाँद गाउँपालिका-५ बस्ने २३ वर्षीय लक्ष्मणबहादुर शाहीलाई नियन्त्रणमा लिइएको जिल्ला प्रहरी कार्यालय अछामले जनाएको छ ।