धनगढी । बझाङमा सेती नदीमा हाम फालेकी युवतीको शव भेटिएको छ । जिल्लाको थलारा गाउँपालिका-४ डिखला बस्ने २७ वर्षीया धर्मा साउँदले बिहीबार बिहान करिब ४ बजेको समयमा सेती नदीमा हाम फालेकी थिइन् । 

उनले झोताबाट थलारा जाने झोलुङ्गे पुलबाट नदीमा हाम फालेकी हुन् । त्यसपछि खोजि कार्य गरिरहेकोमा उनको शव भेटिएको जिल्ला प्रहरी कार्यालय बझाङले जानकारी दिएको छ । हाम फाल्नुको कारण भने नखुलेको र घटनाबारे थप अनुसन्धान भइरहेको प्रहरीले जनाएको छ ।