काठमाडौँ । सुर्खेतको भेरीगंगा नगरपालिका–३ सतरीमा बस र मिनी ट्रक एकआपसमा ठोक्किँदा एक जनाको मृत्यु भएको छ । दुर्घटनामा अन्य ६ जना घाइते भएका छन् । 

बिहीबार दिउँसो ना ४ ख ६२६३ नम्बरको बस र कर्णाली प्रदेश ०२००१ क ००४८ नम्बरको मिनी ट्रक एकआपसमा ठोक्किँदा ट्रक चालक दैलेखको गुराँस गाउँपालिका–१ का ३१ वर्षीय हिरा पुन मगरको मृत्यु भएको प्रहरीले बताएको छ । 

प्रहरीको केन्द्रीय समाचार कक्षका अनुसार दुर्घटनामा गम्भीर घाइते भएका मगरको प्रदेश अस्पताल कालागाउँमा उपचारका क्रममा मृत्यु भएको हो भने घाइतेहरुको उपचार भइरहेको छ । दुर्घटनाबारे थप अनुसन्धान भइरहेको प्रहरीले जनाएको छ ।