धनगढी । डोटीमा बझाङबाट धनगढीतर्फ आइरहेको ट्रक सडकबाट खसेको छ । आइतबार बिहान ८:३० बजेको समयमा डोटीको जोरायल गाउँपालिका-२ रुबसकाडास्थित भीमदत्त राजमार्गमा भे१ख ३७९३ नम्बरको खाली ट्रक सडकबाट अन्दाजी १८ मिटर तल खसेको हो । 

चालक बझाङको बुंगल नगरपालिका-४ बस्ने अन्दाजी २३ वर्षका यज्ञराज धामी फरार रहेका र खोजि भइरहेको प्रहरीले बताएको छ । ट्रक मोडमा टाइरेटले काम नगरी सडकबाट खसेको जिल्ला प्रहरी कार्यालय डोटीले जनाएको छ । दुर्घटनामा मानवीय क्षति भने भएको छैन ।