धनगढी । धनगढीमा सुदूरपश्चिम स्तरीय फुटसल तथा ब्याडमिन्टन प्रतियोगिता सञ्चालन हुने भएका छन् । नेपाल वित्तीय संस्था कर्मचारी संघ राष्टिय बाणिज्य बैक सुदूरपश्चिम समितिको आयोजनामा यही चैत्र १६ र २३ गते प्रतियोगिता हुन लागेका हुन् ।
समितिले दुवै विधाका प्रतियोगिताका लागि टीम दर्ता खुला गरेको जनाएको छ । दुवै विधाका प्रतियोगितामा सहभागिताका लागि चैत १२ गतेसम्म टिम दर्ता खुला गरिएको ब्याडमिन्टन प्रतियोगिताका संयोजक विरेन्द्रराज जोशीले बताए ।
नेपाल वित्तीय संस्था कर्मचारी संघ राष्ट्रिय बाणिज्य बैक सुदूरपश्चिम समितिका उपाध्यक्ष समेत रहेका जोशीले वित्तीय क्षेत्रमा कार्यरत कर्मचारीहरु बीच मनोरञ्जनसँगै कार्यस्थलमा हुने तनाव कम गरी कार्यमा पुनर्ताजगी ल्याउन समितिले प्रत्येक वर्ष प्रतियोगिता गर्दै आएको बताए ।
नेपाल वित्तीय संस्था कर्मचारी संघ राष्ट्रिय बाणिज्य बैंकको ३५ औँ स्थापना दिवसको अवसरमा प्रतियोगिता गर्न लागिएको नेपाल वित्तीय संस्था कर्मचारी संघ राष्ट्रिय बाणिज्य बैंक सुदूरपश्चिम समितिका अध्यक्ष दिपेन्द्रबहादुर भण्डारीले बताए ।
वित्तीय क्षेत्रमा कार्यरत कर्मचारीहरु बीच पारस्पारिक सम्बन्ध स्थापित गर्ने र सद्भाव विकास गर्ने उद्देश्यले वार्षिकोत्सवको अवसर पारी प्रतियोगिता आयोजना गरिएको उनको बताए ।
‘प्रतियोगिताले कर्मचारीलाई मनोरञ्जन प्रदान गर्नुका साथै आपसी समन्वय र सहकार्यको भावना विकास गराउँदछ’ उनले भने ‘त्योसंगै वित्तीय क्षेत्रमा आइपर्ने जोखिम समाधान तथा सहजीकरणमा सहजता आउछ ।’
प्रतियोगितामा निजि क्षेत्रसमेत जोडिने भएकाले यसले वित्तीय क्षेत्रसँग निजि क्षेत्रको सुमधुर व्यवसायीक सम्बन्ध स्थापित गर्न सहयोग पुग्ने अपेक्षा गरिएको भण्डारीले बताए ।
प्रतियोगिमा दुवै विधा गरी करिब ३० टीमको सहभागीता रहने आयोजकले जनाएको छ । फुटसल प्रतियोगिताको उपाधि विजेता टीमले २१ हजार रुपैयाँ र द्धितीय हुने टीमले १५ हजार रुपैयाँ नगद पुरस्कार सहित टफि, मेडल, प्रमाणपत्र प्राप्त गर्ने प्रतियोगिताका संयोजक रोशन पालले जानकारी दिए ।
उनले टीम दर्ता खुला गरिनुका साथै प्रतियोगिताको तयारी तीव्र रुपमा अगाडि बढेको बताए । सबै बैंक तथा वित्तीय संस्थालाई प्रतियोगितामा सहभागिता जनाउन संयोजक पालले आग्रह गरे ।
त्यस्तै ब्याडमिन्टन प्रतियोगिताको विजेता टीमले नगद १० हजार रुपैयाँ, उपविजेताले ६ हजार तथा तृतीय स्थान हासिल गर्ने दुई टीमले दुई हजार पाँच रुपैयाँका दरले नगद पुरस्कार प्राप्त गर्ने छन् ।
प्रतियोगितालाई राष्ट्रिय वाणिज्य बैंक र मालिकार्जुन हार्डवेयर अत्तरियाले मुख्य प्रायोजन गरेका छन् । त्यस्तै सहप्रायोजकको रुपमा नेपाली कापी उद्योग अत्तरिया र तौसी टे«डर्स धनगढी रहेका छन् ।
पुरस्कार प्रायोजकमा उग्रतारा विजुली भण्डार अत्तरिया, नागार्जुन टेडर्स धनगढी, निलम हार्डवेयर बझाङ्ग र जयमष्टा टेडर्स धनगढी तथा व्यानर प्रायोजकमा अनमोल निर्माण सेवा बझाङ्ग, श्री न्यौपाने टेडर्स एण्ड सप्लायर्स बेलौरी र सागर सःमिल तथा फर्निचर उद्योग बेलौरी लगायत रहेका छन् ।
ब्याडमिन्टन कैलाली जिल्ला खेलकुद समितिको हल र फुटसल प्रतियोगिता डल्लु फुटसलमा सञ्चालन हुने जनाइएको छ ।
प्रतिक्रिया