धनगढी । धनगढीका युवा उद्यमी धर्मराज जोशीले स्वदेशमै पनि थुप्रै अवसर र सम्भावना रहेको बताएका छन् ।

अग्रलेख मल्टिमिडिया प्रालिले आज कैलालीको धनगढीमा आयोजना गरेको अग्रलेख संवादमा जोशीले सम्भावना खोज्दै विदेश पलायनको क्रम बढेको तर यहाँको जस्तो सम्भावना अन्य कुनै देशमा नभएको बताए । 

‘विदेशमा गएपछि न त्यहाँ बस्न मन लाग्छ न त छिट्टै फर्किने अवस्था हुन्छ,’ उनले भने, ‘त्यसैले काम गर्नेका लागि यहाँ पनि थुप्रै सम्भावना छन् ।’ स्वदेशमै काम गर्ने वातावरण भने सम्बन्धित पक्षले बनाउनुपर्ने उनको तर्क छ । ‘यहाँ जसले जे गरे पनि हुने जस्तो माहोल छ,’ उनले भने, ‘नियमनकारी निकाय चनाखो हुनुपर्छ ।’