काठमाडौं । नेपाल प्रिमियर लिग (एनपिएल) विजेताले एक करोड ११ लाख रुपैयाँ पुरस्कार पाउने भएको छ । प्रतियोगिताको आयोजक नेपाल क्रिकेट संघले पुरस्कारको घोषणा गरेको हो ।

त्यस्तै उपविजेताले ५० लाख रुपैयाँ पुरस्कार पाउने छ । त्यस्तै तेस्रो स्थानमा रहने टीमले ३० लाख र चौथो हुने टीमले २० लाख रुपैयाँ पुरस्कार पाउने संघले जानकारी दिएको छ ।

प्रतियोगिताको उत्कृष्ट नेपाली खेलाडीलाई एउटा कार पुरस्कार दिने घोषणा क्यानले यसअघिनै गरेको छ । नेपालकै सर्वाधिक ठूलो प्रतियोगिता आजबाट सुरु भएको छ ।