काठमाडौं । पार्टीभित्रको चर्को विवादका बिच नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठ चौधरीले केन्द्रीय समितिको बैठक बोलाएकी छन् । 

बैठकमा संस्थापक केन्द्रीय सदस्य, प्रतिनिधि सभा सदस्य, प्रदेश सभा सदस्य र पालिका प्रमुख, उपप्रमुखलाई समेत बोलाइएको छ ।
 
केन्द्रीय समितिको बैठक यही भदौ १५ र १६ गते कान्तिपथको होटल एल्लो प्यागोडामा बस्ने गरी बोलाइएको छ । बैठकमा समसामयिक राजनैतिक विषय, विधान संशोधन, केन्द्रीय सदस्य मनोनयन, निर्वाचन आयोगमा अध्यावधिक र  विविध विषय एजेण्डका रुपमा राखिएका छन् । 

यसअघि पार्टीका संरक्षक रेशम चौधरी पक्षको राष्ट्रिय भेलाले अध्यक्ष श्रेष्ठलाई पार्टीको साधारण सदस्यबाट समेत हटाएर रेशमका बुवा लालबीरलाई अध्यक्ष बनाएको थियो । तर निर्वाचन आयोगले उक्त कमिटीलाई मान्यता दिएन, रञ्जितालाई नै अध्यक्ष कायम गरेको थियो ।