धनगढी । कैलालीको धनगढीबाट लागूऔषधसहित चार युवक पक्राउ परेका छन् ।

धनगढी उपमहानगरपालिका–१३ राजपुरबाट गोदाबरी नगरपालिका–११ बस्ने २६ वर्षीय महेशराज बोहरा पक्राउ परेका छन् । उनको साथबाट प्रहरीले चार सय १० मिलिग्राम खैरो हेरोइन बरामद गरेको छ । 

धनगढी उपमहानगरपालिका–१ शैलेश्वरी क्याम्पस नजिकबाट सोही ठाउँका २५ वर्षीय संजय नेपाली, २८ वर्षीय सुनिल नेपाली र ४७ वर्षीय लक्ष्मण पार्की पनि पक्राउ परेका छन् ।

उनीहरुलाई दुई ६० मिलिग्राम खैरो हेरोइनसहित पक्राउ गरिएको हो ।