धनगढी । कैलालीको धनगढीमा अबैध काठसहित चार जना पक्राउ परेका छन् । धनगढी उपमहानगरपालिका–१६ भादाको श्रीगणेश सामुदायिक वनबाट चार जना पक्राउ परेका हुन् । 

जिल्ला प्रहरी कार्यालयका अनुसार सोही ठाउँ बस्ने ३० वर्षीय अयोध्याप्रशाद चौधरी, ३० वर्षकै रामबहादुर साउँद, ४५ वर्षीय रामकुमार चौधरी र ५० वर्षीय धनीराम चौधरी पक्राउ परेका हुन् । 

चारै जनालाई गोरू गाडामा काठ लोड गरिरहेको अवस्थामा सालको काठसहित पक्राउ गरिएको हो । ३२ क्युफिट काठ पनि बरामद गरिएको छ ।