धनगढी । कैलालीको धनगढीमा दुई जना पक्राउ परेका छन् । धनगढी उपमहानगरपालिका–७ मनेहराबाट धनगढी उपमहानगरपालिका–२ सन्तोषी टोल बस्ने २५ वर्षीय नितेश ओली पक्राउ परेका छन् । उनलाई ५० मिलिग्राम खैरो हेरोइनसहित पक्राउ गरिएको जिल्ला प्रहरी कार्यालय कैलालीले जनाएको छ । 

यस्तै, धनगढी उपमहानगरपालिका–१० घुइयाघाटबाट सोही ठाउँ बस्ने १५ वर्षीय किशोर पनि पक्राउ परेका छन् । उनलाई एक ग्राम ४३० मिलिग्राम खैरो हेरोइनसहित पक्राउ गरिएको हो । यी दुबै जनालाई जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो ।