धनगढी । कैलालीमा बस दुर्घटना हुँदा एक जनाको मृत्यु भएको छ । बझाङ दुर्गाथली गाउँपालिका–५ भलान्या बस्ने २५ वर्षीय मोहन जप्रेलको बस दुर्घटनामा मृत्यु भएको हो ।

इलाका प्रहरी कार्यालय मालाखेतीका प्रहरी नायब उपरीक्षक गंगा थापाका अनुसार जिल्लाको गोदावरी नगरपालिका–४ बनदेवीस्थित सडकमा सु.प.प्र. ०१–००१ ख ३२२८ नम्बरको बस अनियन्त्रित भएर सोमबार राति दुर्घटना भएको थियो ।

दुर्घटना हुँदा बस चालक जप्रेल घाइते भएका थिए । उनको सेती प्रादेशिक अस्पताल धनगढीमा उपचारको क्रममा मृत्यु भएको डीएसपी थापाले जानकारी दिए । 

बस गोदावरीबाट धनगढीतर्फ आउने क्रममा दुर्घटना भएको हो ।