धनगढी । सुदूरपश्चिमबाट लागूऔषधसहित आठ जना पक्राउ परेका छन् । कैलाली, कञ्चनपुर र अछामबाट लागूऔषधसहित ८ जनालाई पक्राउ गरिएको हो । 

धनगढी उपमहानगरपालिका– ३ बाट लागूऔषधसहित गोदावरी नगरपालिका– ५ का ३१ वर्षीय नीरज धामी पक्राउ परेका छन् । उनको साथबाट ५ सय ५० मिलिग्राम लागूऔषध बरामद गरिएको  प्रदेश प्रहरी कार्यालय धनगढीले जनाएको छ ।

यस्तै धनगढी उपमहानगरपालिका– १ अदालत रोडबाट स्थानीय २५ वर्षीय किरण नेपाली र २५ वर्षीय वसन्त परियारलाई प्रहरीले १९० मिलिग्राम लागू औषध खैरो हेरोइन सहित पक्राउ गरेको छ ।

कञ्चनपुरको भीमदत्त  नगरपालिका– ४ बसपार्कबाट बैतडीको सिगास गाउँपालिका– ३ का २६ वर्षीय जनकसिंह ढाँट पक्राउ परेका छन् । उनको साथबाट ०.१२ ग्राम लागूऔषध खैरो हेरोइन बरामद गरिएको प्रहरीले जनाएको छ ।

उता अछामको मंगलसैन नगरपालिका– ५ मंगलसैन बजारबाट लागूऔषध सहित स्थानीय २२ वर्षीय प्रकाश विश्वकर्मा, अर्जुन सुनार, कर्णप्रसाद ढुङ्गाना र १९ वर्षीय अर्जुन सुनार पक्राउ परेका छन् ।  

प्रहरीले प्रकाश विश्वकर्माको साथबाट ट्रामाडोल– ४२ क्याप्सुल, प्रिगाभा – ८ क्याप्सुल, ईभा ५ क्याप्सुल र अर्जुन सुनारको साथबाट प्रिगाम्लिन ७४ क्याप्सुल लागूऔषध बरामद गरिएको जनाएको छ ।