धनगढी । धनगढीमा मोटरसाइकलले ठक्कर दिँदा एक महिला गम्भीर घाइते भएकी छन् । धनगढी उपमहानगरपालिका-२ बैयाबेहडीमा गौरीगंगा नगरपालिका-६ का २७ वर्षीय विकास ओझाले चलाएको सुपप्र ०१००१२ प ८३५० नम्बरको मोटरसाइकलले ठक्कर दिँदा साइकल चलाइरहेकी सोही ठाउँ बस्ने सुजाता बराल घाइते भएकी हुन् । 

उनको टाउको र अनुहारमा गम्भीर चोट लागेको प्रहरीले बताएको छ । दुर्घटनामा मोटरसाइकल चालक पनि घाइते भएका छन् । उनीहरुको नवजीवन अस्पताल धनगढीमा उपचार भइरहेको प्रहरीले जनाएको छ ।