काठमाडौँ । स्याङ्जाको आँधीखोला गाउँपालिका–५ कृषिस्थित सडकमा टिपर दुर्घटना हुँदा चालकको मृत्यु भएको छ । कृषिबाट ओहियातर्फ जाँदै गरेको ग१क ५१३९ नम्बरको टिपर शुक्रबार राति दुर्घटना हुँदा चालक पर्वत कुश्मा नगरपालिका–१४ बस्ने ३७ वर्षीय चन्द्रबहादुर नेपालीको मृत्यु भएको हो । 

दुर्घटनामा गम्भीर घाइते भएका उनको पश्चिम क्षेत्रीय अस्पताल गण्डकी पोखरामा उपचारको क्रममा मृत्यु भएको प्रहरीले बताएको छ । दुर्घटनामा घाइते भएका टिपरमा सवार अन्य ४ जनाको सोही अस्पतालमा उपचार भइरहेको छ ।