दाङ । तुलसीपुर उपमहानगरपालिका–३ राम्रीस्थित ड्रिम वाटर एण्ड लजका सञ्चालक द्रोण आचार्यमाथि हतियार प्रहार र कुटपिट भएको छ । 

मंगलबार राती आचार्यमाथि उनकै होटलमा दुई जना युवाले धारिलो हतियार प्रहार गरेको इलाका प्रहरी कार्यालय तुलसीपुरले बताएको छ । आचार्य तुलसीपुर होटल व्यवसायी समितिका उपाध्यक्षसमेत हुन् ।  

घटनामा संलग्न तुलसीपुर–९ बेलुवाका रमेश सापकोटा र तुलसीपुर–३ राम्रीका मुकुन्द सापकोटालाई पक्राउ गरी अनुसन्धान भइरहेको इप्रका तुलसीपुरका डीएसपी अनिल ठकुरीले बताए ।