धनगढी । कैलालीमा लागुऔषधसहित एक युवक पक्राउ परेका छन् । पक्राउ पर्नेमा कञ्चनपुरको कृष्णपुर नगरपालिका-६ मौरीफाटा बस्ने २६ वर्षका वीरेन्द्र भट्टराई रहेका छन् । 

उनलाई कैलालीको गोदावरी नगरपालिका-३ मालाखेती चोकबाट बुधबार दिउँसो २ बजेको समयमा ७ ग्राम ४६० मिलिग्राम लागुऔषध (खैरो हेरोइन) र ९० ट्याब्लेट नाइट्राजेपामसहित पक्राउ गरिएको प्रहरीले बताएको छ । 

लागुऔषधको कारोबार भइरहेको छ भन्ने विशेष सूचनाको आधारमा इलाका प्रहरी कार्यालय मालाखेती, कैलाली र लागुऔषध नियन्त्रण ब्यूरो शाखा कार्यालय धनगढीबाट संयुक्त रुपमा खटिएको टोलीले उनलाई पक्राउ गरी थप अनुसन्धान गरिरहेको जनाएको छ ।