धनगढी । बैतडीको एक घरमा आगलागी भएको छ । बुधबार पुर्चौडी नगरपालिका-४ भटना बस्ने डम्मरदेव भट्टको ढुङ्गा माटोले बनेको पत्थरले छाएको दुईतले चारकोठे घरमा आगलागी भएको हो । 

दियोबाट आगलागी हुँदा नगद, गरगहना, खाद्यान्न, लत्ता कपडा, भाडा वर्तन लगायतका सामानहरु गरी अन्दाजी ७ लाख २५ हजार मुल्यको धनमाल जलेर नष्ट भएको प्रहरीले बताएको छ । आगलागीबाट मानवीय तथा चौपाया क्षति नभएको र आवश्यक अनुसन्धान भइरहेको प्रदेश प्रहरी कार्यालय धनगढीले जनाएको छ ।