धनगढी । सुदूरपश्चिम प्रदेशका मुख्यमन्त्री कमलबहादुर शाहले भूमी सम्बन्धि अधिकार प्रदेश सरकारलाई दिएमा तीन वर्षभित्र समस्या समाधान गर्ने दाबी गरेका छन् ।

मंगलबार भूमि समस्या सामाधान आयोग कैलालीले धनगढीमा आयोजना गरेको कामसँग सम्बन्धित विषयमा स्थानीय तहका पदाधिकारीहरुका लागि अभिमुखीकरण तथा अन्तरिक्रया कार्यक्रममा बोल्दै मुख्यमन्त्री शाहले यस्तो बताएका हुन् । 

‘प्रदेशलाई अधिकार प्राप्त हुने हो भने यो प्रदेशको भूमी सम्बन्धि समस्या तीन वर्षभित्र समाधान हुन्छ,’ उनले भने, ‘एकैठाउँमा अधिकार भएका कारण समस्या हो । संघ सरकारले अधिकारलाई विकेन्द्रीकृत गर्नुपर्छ ।’