धनगढी । कैलालीमा एक पुरुष मृत फेला परेका छन् । जिल्लाको गोदावरी नगरपालिका–१ स्थित धनगढी रोडमा ३५ वर्षीय तेज रैकाल मृत फेला परेका हुन् । 

जिल्ला प्रहरी कार्यालय कैलालीका प्रहरी नायब उपरीक्षक कबिन्द्र बोहराका अनुसार मृतकको घर गोदावरी नगरपालिका–४ बसन्तपुर हो । ‘बनदेवी जंगलको छेउमा रैकाल मृत फेला परेका छन्,’ उनले भने, ‘घटनास्थलमा इलाका प्रहरी कार्यालय मालाखेतीका डीएसपीसहितको टोली पुगेको छ ।’ 

भारतमा मजदुरी गर्दै आएका मृतक रैकाल केही समयअघि मात्रै घर आएका थिए ।