धनगढी । व्यवसाय प्रवर्द्धनका लागि युवा उद्यमीलाई तालिम दिइएको छ । युवा उद्यमी मञ्च कैलालीको आयोजनामा धनगढीमा युवा उद्यमीहरुलाई व्यवसाय प्रवर्द्धनका लागि तालिम दिइएको हो ।

अन्तर्राष्ट्रिय कर्पोरेट प्रशिक्षक मान्सी अग्रवालले युवा व्यवसायीलाई प्रशिक्षण दिएकी हुन् । तालिममा नेटवर्किङ, ब्रान्डीङ लगायतका बिषयमा प्रशिक्षण गराइएको छ । तालिममा एक सयभन्दा बढीको सहभागीता रहेको थियो । 

युवा उद्यमी मञ्च कैलालीका अध्यक्ष इन्जिनियर तर्कराज भट्टको अध्यक्षतामा भएको कार्यक्रममा प्रमुख अतिथि सुदूरपश्चिम प्रदेश सरकारका सामाजिक विकासमन्त्री मेघराज खड्का रहेका थिए । युवा उद्यमी मञ्चका राष्ट्रिय अध्यक्ष कुशल सुन्दर श्रेष्ठ विशिष्ठ अतिथि रहेको कार्यक्रममा कैलाली उद्योग वाणिज्य संघका बरिष्ठ उपाध्यक्ष पुष्करराज ओझा अतिथि रहेका थिए ।