धनगढी । कैलाली–५ का राष्ट्रिय स्वतन्त्र पार्टीका प्रतिनिधि सभा उम्मेदवार डा. आनन्दबहादुर चन्दले जेनजी आन्दोलनका सहिद गौरव जोशीको घरमा पुगेर चुनावी प्रचार शुरू गरेका छन् ।

उनले शुक्रबार सहिद जोशीको घरमा पुगी उनको आमासँग आशीर्वाद लिएर घरदैलो अभियान शुरू गरेको चन्दको सचिवालयले जनाएको छ । 'जेन–जी आन्दोलनका सहिद गौरव जोशी हाम्रो कैलालीको 'गौरव' हुनुहुन्छ,' चन्दले भने, 'उहाँ सचेत, सोच्ने र परिवर्तन चाहने युवापुस्ताको आवाज हुनुहुन्थ्यो।'
सो अबसरमा सहिद जोशीकी आमाले भनिन्, 'हामीले छोरो गुमाएका छौं। छोरो जे कुराका लागि आन्दोलनमा गएको थियो, त्यो पूरा गरिदिनु होला। देश बनाउनु होला ।'