डडेल्धुरा । डडेल्धुराको अमरगढी नगरपालिका-५ सिलिङ्गधाराका ४८ वर्षीय सदानन्द पाठक बेपत्ता भएका छन् । रोजगारीका लागि भारतको हरियाणा राज्यको गुडगाउँमा रहेका उनी गत शनिबारबाट बेपत्ता भएका हुन् । 

कोठाबाट निस्किएको पाँच दिनसम्म उनको अत्तोपत्तो नभएको पत्नी सरस्वती पाठकले बताइन् । सदानन्द गत साउन ८ गते रोजगारीका लागि भारत गएका थिए । उनले आफ्ना एक छोरालाई पनि सँगै लगेका थिए । अहिले उनका १३ वर्षीय छोरा कोठामा एक्लै छन् । 

उनकी पत्नीका अनुसार परिवारले प्रहरीमा खबर गरेको छ । आफ्ना श्रीमानको खोजी र छोरालाई सुरक्षित राखिदिन उनले भारतमा रहेका नेपालीलाई आग्रह गरेकी छन् ।